Қабан (Sus scrofa) – резерват аумағында кең таралған, негізінен өзен арналары мен каналдардың бойындағы биік, су баспайтын жерлерді, сондай-ақ теңіз жағалауындағы су баспайтын төбелерді мекендейді.
Отбасы болып жүреді, әр топта 5-тен 15-ке дейін дарақ болады. Миграция жасамайды. Қоректік базасы тұрақты. Қорегін қамыс-қоға аймағында да, жайылма жазықтың ашық жерлерінде де табады.
Қабанның қозғалысы икемсіз көрінгенімен, жылдам, өте жақсы жүзеді және ұзақ қашықтыққа жүзе алады. Көру қабілеті нашар, бірақ иіс сезу және есту қабілеті өте жақсы дамыған.
Қабандар сақ, бірақ қорқақ емес, ашуланғанда, жараланған кезде немесе төліне қауіп төнгенде, олар өте батыл және күшіне, өткір азу тістеріне байланысты қауіпті болуы мүмкін.
Орнитолог И.В. Бофонов және аңтанушы Е.Д. Джуланов — «Ақжайық» мемлекеттік табиғи резерваты территориясында кезекті мониторинг жұмыстары кезінде дрон құрылғысымен түсірілген бейнематериал
