2025 жылдың 9-шы қаңтар күні «Ақжайық» мемлекеттік табиғи резерватының мамандарымен және Абай атындағы Атырау қаласының оқушылар орталығының №3 экология-биология бірлестігінің оқушылармен бірге «Таза Қазақстан» экологиялық акциясы аясында тұқымдарды контейнерлерге отырғызу арқылы көшет өсіру іс-шарасы өтті. Оқушылар тұқымдарды контейнерлерге отырғызып, болашақ жасыл әлемге алғашқы қадам жасады. Жалпы 105 үйіңкі, шаған, бозарша тұқымдары егілді.
Бұл іс-шараның мақсаты:
•Табиғатты қорғауға үлес қосу.
•Экологиялық білім мен жауапкершілікті қалыптастыру.
•Көгалдандырудың маңыздылығын түсіндіру.
Оқушыларымыздың тынбай еңбек етіп, ерекше шабытпен жұмыс істегені көңіл қуантады! Табиғатты аялау – әрқайсымыздың ортақ міндетіміз.
Оқушыларымыздың ынтасы мен белсенділігі – ертеңгі экологиялық таза Қазақстанның кепілі!
Ал егілген тұқымдар өскенде, олар жаңа өмірдің символына айналады!
